Ný og skemmtileg þáttaröð um ungan lækni sem virðist eiga glæsta framtíð en ein afdrifarík ákvörðun breytir öllu lífi hans.

Hank Lawson er mikils metinn í starfi, á glæsilega kærustu og flotta íbúð í New York. En allt breytist þegar hann tekur ungan sjúkling fram yfir einn af bakhjörlum spítlans. Hank er rekinn úr starfi og útskúfaður úr læknasamfélaginu. Kærastan gefst upp á honum og hann fær hvergi vinnu. Hann er að veslast upp í sjálfsvorkun þegar yngri bróðir hans dregur hann með sér í helgarferð til Hamptons þar sem fræga og ríka fólkið býr. Þar gerast þeir boðflennur í partí í lúxusvillu við ströndina og Hank vinnur hetjudáð þegar hann bjargar lífi eins gestanna. Í kjölfarið fær hann hvert símtalið af öðru frá forríkum íbúum Hamptons sem falast eftir þjónustu hans.

Þessir skemmtilegu þættir slógu í gegn í bandarísku sjónvarpi sl. sumar og önnur þáttaröð er væntanleg.